Araujo Cardalda, Laureano

Laureano Araujo Cardalda (Berna, 1964) é profesor de alemán de ensino secundario e tradutor. Da súa autoría son as versións galegas d’A morte en Venecia, de Thomas Mann, e das Opinións dun pallaso, de Heinrich Böll. En publicacións e conferencias ten reflexionado sobre o ensino, a sociolingüística e a tradutoloxía. É doutor en ciencia política e licenciado en dereito pola Universidade de Santiago de Compostela.