A estaya

Villa Costales, Sidoro

Nun chigre perdíu aconceyen dellos personaxes castigaos pola vida, por cuenta una apuesta a beber sidra. Apulmonaos pol pasáu y por un clima y un ambiente aforfugantes, caltienen un equilibriu precariu nel cantu del enfile y la traxedia.
En A estaya, l’allegría y el bon xuiciu intenten nun se fundir braciando ente foles de soberbia y de maldá, nun escenariu apocalípticu de vallines fonderes y bastiazos nel que la naturaleza, omnipresente, algama un papel protagonista.
«Equí vais atopar dalguna de les meyores virtúes de Sidoro Villa como narrador: l’usu d’un asturianu mui averao a lo oral, que rescampla ente los modelos más lliterarios de cuasi tolos demás; la mirada amable sobre les rellaciones humanes y sobremanera a los animales, que los humaniza; l’actualización d’una coña mui asturiana y que tan abandonada taba; l’usu del entornu (paisaxe, clima) como un personaxe más…»