Arredol, curso d'aragonés

una gambadeta por a luenga aragonesa

Delgado Marco, Mauricio
García Cazcarro, Arturo
Martínez Tur, Feliciano

Estas cosas siempre prencipian igual... A que no yes capaz d’elaborar un metodo d’autoaprendizache d’a luenga aragonesa?, sin parar cuenta que, a sobén, parellana proposa-trampa se torna en tot un reto y cuasi una custión d’honor ta un aragonés... Que no? Pos agora te vas a enterar tu... Siga como siga, aquí lo tiens entre as tuyas mans, prebando d’averiguar qué ye ixo de “Arredol” y si li fa chusticia a o subtítol que diz “una gambadeta por a luenga aragonesa”.
Nusatros te lo contamos. “Arredol” quiere estar un metodo ta aprender a fablar y amar a nuestra luenga, ixuplidada en bel caso, y en atros, prou a ormino, refusada u maltratada, cuan no as dos cosas de vez. Una aina que t’habrá de valer ta fer un curso de traza tradicional, ye decir, indo ta clase y fichando como un campión, si ye que asinas lo prefieres; pero, y más que más, ye un metodo que te permitirá iniciar-te y fer-te una ideya prou aproximada d’o que ye l’aragonés, por a tuya cuenta (y risque) y a o tuyo ritmo, a la tuya bola, que dicen os nuestros vecins castellans, porque contas con un amplo vocabulario y modelos de verbos...