Bortuko azken indiarra artzain lur gabekoa

Ouret, Ttale

Nolakoa zen bortuko lehengo artzainen bizia? Zer bilakaera bizi izan ditu mendiko artzaintzak eta, orokorkiago, gizarteak, azken hamarkadetan? Artzaintzak eta laborantzak hartu dituzten bihurgune horiek ezinbertzekoak dira, ala bertze modelo bat posible da? Gai horiek eta bertze asko gogoetatu ditu Ttale Ouret-ek. Gazte denboran, apez eskolak egin zituen. Zuzentasunaren eta jendearen eskubideen alde borrokatuko zen Eliza engaiatu bateko apez izan nahi zuen. Baina orduko Eliza kontserbadorean bere lekua ezin aurkiturik, apezen biziari bizkar eman zion, artzainen bideari lotzeko. Lurdako sasoilarien artean eta gero MRJCko gazteen hezitzaile gisa bizi esperientziak ere erabakigarriak izan ziren harendako. Hego Amerikako Eliza eta Askapenaren Teologia, 1968ko maiatzeko gertakariak, Larzac-ekoak, Ipar Euskal Herriko gizarteak bizi zituen aldaketak, tentsioak eta gatazkak... Bere denborako gorabehera frangoren lekuko eta eragile ere izan zen. Hona hemen haren lekukotasun suharra. Belaunaldi berriei igorri deiadar bat!