Codigo d'o Dreito Foral d'Aragón

VV.AA.

O Decreto Lechislativo 1/2011, de 22 de marzo, d’o Gubierno d’Aragón, aprebó, con o títol de Codigo d’o Dreito Foral d’Aragón, o Testo Refundito d’as Leis zevils aragonesas y ordenó que a dentrada en vigor estase o 23 d’abril de 2011. A zitata refundizión se levó a cabo en cumplimiento de l’autorizazión d’as Cortes a o Gubierno d’Aragón, contenita en a disposizión final primera d’a Lei 8/2010, de 2 d’aviento, de Dreito zevil patrimonial, y drento d’o plazo en ella siñalato. D’iste modo quedó reformulato lo Dreito zevil d’Aragón contenito en a Compilazión de 1967 que quedó enteramén zircunduzita por o Codigo d’o Dreito Foral d’Aragón. A edizión que agora presentamos ye a suya versión en luenga aragonesa, a luenga d’os Fueros d’Aragón dende o sieglo xiii a o xv, con ella queremos contrebuyir a tornar a dotar a l’aragonés d’instrumentos churidicos y a la zelebrazión d’o 40 cabo d’año d’o Estatuto d’Autonomía d’Aragón.