Ensaios sobre o efémero

Vaqueiro, Vítor

Os relatos que compoñen Ensaios sobre o efémero —título que abana entre a ironía e a veracidade— fican marcados pola concisión e o intento de síntese, estruturados en tres agrupamentos —“Anais”, “Biografías”, “Relatorios”— que percorren unha ampla singradura ao longo da Historia protagonizados por personaxes ficticios e reais de variadas culturas, desde a Antigüidade clásica ata operarios da Terra Chá, de construtores de pontes sobre o East River a almirantas como Isabel Barreto, mitoloxías bíblicas, enganos e celadas.