Fueya caída

Veiga, Elías

Con Fueya caída Elías Veiga confírmase como unu de los poetes imprescindibles del panorama lliterariu asturianu y entama otra nueva etapa na so orixinal evolución como poeta. Les fueyes cayíes nun son otro que los poemes que componen el llibru, de temática variada, senciellos, directos y breves na so mayoría, que busquen nel llector una reflexón inmediata, un debate internu qu’afonde nel pensamientu y nel conocimientu personal. En pallabres del autor, ye una «poesía pa les conciencies comprometíes col silenciu de la indiferencia, nun mundu nel que casi too nos importa nada».