Gero

Axular, Pedro de
Urgell Lázaro, Blanca (ed.)

Blanca Urgell filologoak prestatu du Pedro de Axularren Gero liburuaren edizio kritikoa. Nafarroako Gobernuak eta Euskaltzaindiak sustatu duten edizio berri hau «Mendaur» bildumaren barruan kaleratu da. Gero liburuak, 1976an Luis Villasantek azkenekoz argitaratu zuenetik, ez du jaso merezi duen arreta kritikoa. Blanca Urgellek goitik behera berrikusitako testu bat aurkezten du, aurreko edizio guztiak zipriztintzen dituzten akatsetatik garbitua. Honetarako, testua osoki erkatu da hitzez hitz 1643ko princeps edizioaren ale on batekin, eta pasarte ilun edo zalantzazkoetan baita beste bi alerekin eta bi edizio esanguratsurekin ere: Manuel Lekuona (1954) eta Villasanterenarekin (1976). Edizio hau jatorrizko testuaren berrezarpenean eta haren testu-historian aurrerapauso esanguratsua da. Argitaratzaileek edizio kritikoa akuilu izatea espero dute, irakurleek begiak bihur ditzaten euskararen idatzizko erabileran gure maisuen maisu izan den idazle nafarraren idazlan bikainera.