Leiro

casas e xentes

Fernández González, Frutos

Leiro. Casas e xentes é un libro de historia, da historia da vila de Leiro, pero contada dun xeito peculiar: a través das súas casas e das familias que as habitaron. E son as historias desas casas e das persoas que formaban tales familias, coas súas actividades, cos seus traballos, cos seus estudos, cos seus negocios, as que, situadas por diante do fondo polo que transcorre o tempo histórico, configuran o relato colectivo que o autor realiza. Pero o fondo tamén resulta importante, porque a historia de Leiro, coma a de calquera outra vila, non é unha historia illada: está imbricada na propia historia de Galicia, na de España, e incluso na mesma historia universal. Como dicía Marc Bloch, a historia local debe de ser a resposta a preguntas de historia xeral feita sobre datos proporcionados por un campo de experiencia reducida. Por iso, este libro, aparte da atender ó natural e lexítimo interese que todos temos en coñecer mellor aquelo que amamos, no coñecemento da historia en xeral, un progreso que, sen dúbida, contribuirá á consecución do principal anhelo que supoñía o gran La Bruyere en todo verdadeiro autor: que os seus libros axuden ós lectores a ser mellores.