Lumieiras esquecidas de Ourense

Fernández Carnicero, José Luis

Un libro onde, en palabras do seu prologuista Francisco X. Fernández Naval, o autor "tráenos as lumieiras ourensás, as súas luces e fachineiros, os lucernarios e as laradas, os rescaldos das brasas acesas da nosa historia pasada e recente, a luz dalgunhas das persoas que protagonizaron momentos relevantes da comunidade ourensá e que aínda nos guían na confusión destes días e na silenciosa densidade das néboas da cidade vella".
Como o autor asegura, este libro é, sobre todo "poñer en valor feitos, persoeiros e historias que non poden pasar sen ter un momento de atención... a luz non a podemos agochar e, ante esa luz, moitas cousas públicas, non poden ficar no esquecemento".