Memoria fotográfica de la sidre n'Asturies (1880-1970)

Hevia Llavona, Inaciu

Presentamos equí un conxuntu de semeyes heteroxeneu y, dacuando, heterodoxu, dataes pente 1880 y 1970. No que cinca a los archivos d’onde vienen, sulliñar que la fonte principal foi la impagable fototeca del Muséu del Pueblu d’Asturies, asinamesmu la de la Fundación José Cardín Fernández, pero tamién hai semeyes de los propios llagareros, de particulares, y del fondu personal de nueso. En bona parte espeyen un esceicional sentimientu identitariu arreyáu a esta cultura, con un denominador común: toes traten d’amosar la presencia de la sidre na vida los asturianos, protagonistes d’estes semeyes. En toes elles ta presente de dalguna manera la sidre asturiano, la cultura sidrera asturiana, bien seya nel ámbitu del trabayu o del disfrute, quiciabes esti nel que más numberoses se caltienen, porque siempres foi un momentu más propiciu pa la fotografía, pa la alcordanza. Valen tamién pa dar fé de la capacidá integradora d’esta cultura, que non distingue d’edá, xéneru o condición social.