Mouras e fairy women

ofeminino extraordinario nas lendas galegas e irlandesas de tradición oral

Rodríguez Saavedra, Alba

O presente traballo aborda o estudo de dúas figuras senlleiras das tradicións orais galega e irlandesa, as mouras e as fairy ou fairy women, e as súas posibles variantes nas linguas respectivas. Mediante esta análise, trataremos a posible orixe común destas realidades, así como os paralelismos semánticos, sintácticos, estruturais e pragmáticos dos relatos que estes personaxes protagonizan. Neste punto, contrastaremos a validez para estas lendas das teorías sobre as funcións e as esferas de acción que Vladimir Propp propoñía como condición necesaria para os contos máxicos ou míticos. Finalmente, valoraremos as diferentes escollas no caso dunha tradución, alicerzando o noso criterio no respecto polo polisistema da lingua meta.