O país sen fronteiras

trinta días a través do Senegal

Agrafoxo Pérez, Xerardo

Levando na mochila unhas cartas comprometedoras, o autor visita en primeiro lugar Dakar e Sainst-Louis, onde residira Antoine de Saint-Exupéry, o creador de O principiño, para despois internarse na cidade santa de Touba e comezar un periplo solitario pola sabana africana coa intención de coñecer o País Bassari, onde viven as tribos máis antigas de África Occidental, percorrer a conflitiva rexión de Casamanza e cruzar o río Gambia, antes de mergullarse nas augas de onde parten os caiucos cara a Europa. Cun caderno nas mans e camuflado en camionetas estrafalarias, Xerardo AgraFoxo percorre sen rumbo fixo un territorio do continente africano, un lugar ateigado de vitalidade, paisaxes abraiantes e problemas sen resolver. Esta é a historia dunha viaxe a través do Senegal que durou os trinta días do mes de novembro do ano 2016