O verbo na variedade galega do concello de Castrelo do Val

Alonso Núñez, Aquilino Santiago

Neste libro faise unha caracterización do verbo, xustifícanse as análises morfolóxicas do paradigma regular, dos verbos de irregularidade común e dos verbos de irregularidade propia na variedade galega do concello de Castrelo do Val (provincia de Ourense). O traballo baséase no galego oral dos falantes con pouca instrución escolar e emprega o camiño, propio da dialectoloxía tradicional, consistente en enquisas e gravacións. O galego é unha lingua fusionante con expresión fusionada das distintas categorías na mesma palabra. Deféndese que algúns verbos anómalos son atemáticos, descríbense con detalle e analízanse morfoloxicamente os verbos irregulares propiamente ditos, e tamén se explican moitos cambios lingüísticos que se están producindo no sistema verbal da fala estudada.