Os cruceiros do Concello de Rianxo

Gulías Lamas, Xesús Antonio

Se alguén houbera lido a obra de Castelao sen saber a súa biografía e tivera despois a sorte de vir a Rianxo, ó ver algúns cruceiros, caería na conta de que Castelao tiña que ser de aquí. Porque para falar de creceiros; para ver cruceiros; para sentir os cruceiros hai que vir a Rianxo.
Se hai unha terra onde o cruceiro é arte; onde o cruceiro é sentimento; onde o cruceiro é devoción popular; onde o cruceiro vai máis alá do que calquera persoa pode ver e sentir a primeira vista, esa terra é Rianxo. Aquí os cruceiros floreceron como florece o Barbanza coa primavera. Hai algo na alma rianxeira que gurgulla dende o máis profundo do seu ser para manifestarse ó mundo, convertido en arte, nun cruceiro