Stella matutina

Parada Jato, Xesús Afonso

Este "Hesíodo courelao" do século XXI iniciou a súa prolífica produción lírica tras o pasamento do seu pai. Xesús Afonso Parada é un amante da liberdade que lle proporciona a poesía e da beleza dos tesos cumes do seu Courel natal: Reserva da Biosfera da UNESCO e un dos tramos cara á cidade do Apóstolo, o "Campo da estrela". Neste novo poemario, Stella matutina, este "obreiro das palabras" recrea unha peregrinación, de ida e volta, de 49 días, cun abano de emocións punzantes, dende a aldea leonesa de Arborbuena, como punto de partida, até Santiago de Compostela.