Través do trebón

Araguas, Vicente

O verán de 1936 en Astaleiro transcorre tedioso para Vitolo ata que comezan a escoitarse rumores dunha sublevación no Exército. Tamén para Lucila, recén casada co tenente de navío Marcelo Glaría, que, allea á política, nesta cidade de funcionarios, cregos e militares ocupa o seu tempo entre os cafés coas amigas e o Cinema. Cun estilo moi persoal, Vicente Araguas recrea en Través do trebón o ambiente asfixiante dunha cidade marítima pendente do que ocorre na súa base naval, pescudando nas razóns do instinto humano de supervivencia.