Zatikaria

Nafarroako Museoa 65. urteurrena

Alegria Suescun, Oskar

Liburu hau Nafarroako Museoari eskainia dago, bere 2021eko ekaineko urteurrena dela eta; zazpi leihok eta 173 zatik sortutako mosaiko bat aurkezten du bere orrialdeetan, bai eta koru bat ere, 17 artista nafarren ahotsek osatutakoa, kandelei putz egiteko gonbidapena onartu eta hitzezko opari bana ekarri baitute. 65 urteko historia dakarkigu liburuak, eraikineko txoko sekretuetan barna ibiliz eta bertako artelanen zenbait detaile txiki bilduz. Liburuaren asmoa da haren bidez orainaldiko artea arkeologoaren begiekin ikustea, margolan baten izkina anfora hautsi baten puska balitz bezala bisitatzea, eta, osotasunaren faltan, zatia hartzea norabide argirik gabeko bidaiaren gidari. Liburu honetan puzzle baten piezak daude, baina hura muntatzeko jarraibiderik ez. Norberaren lana izango da labirintoaren irteera aurkitzea edo bazter hauetako batean betirako gelditu erabakitzea.