Kontua eta zikina

Euskal pop noir bat

Iztueta Azurmendi, Eneko
Iztueta Azurmendi, Ibai
Vieites, Aritz

1929 urtea, baserri giroa, eta, gau ilunaren erdian, ama-alaba batzuen heriotza. Hala abiatzen da Kontua eta zikina, egileek berek “euskal pop noir” moduan sailkatu dutena. 1960ko hamarkadara salto egingo du irakurleak gero, Donostiara. Rosaritok iraganeko sasoiak eta gertakizunak alabari kontatuko dizkio, eta, aldi berean, orduan bizi eta sentitutakoak ere berreraikiko ditu. Konfesioak, ohiturak, baserriko bizitza, familia eta familien arteko harremanak korapilatzen dituen lana dugu hau, Iztueta Azurmendi anaien eta Aritz Vieitesen lehendabiziko eleberri grafikoa.