Novas voces de muller

antoloxía da última poesía galega

Mejía Ruiz, Carmen (ed.)
García Vila, Clara (ed.)

Neste volume non soamente queremos presentar de maneira didáctica voces da poesía galega que lles poidan resultar interesantes, senón que queremos facerlles chegar as últimas novidades da poesía galega que, dados os circuítos de reprodución literaria, poden ser máis difíciles de coñecer.
Son miradas que, a modo de flashes, deslúmbrannos polo desacougo ou acougo que producen. Moitas delas aluden aos temas clásicos da poesía: o amor, a soidade, o desgarro polo abandono, mais todo iso e moito máis cantado cunhas ferramentas propias de hoxe que desencadean uns universos poéticos peculiares rodeados dunha plasticidade e sensualidade desbordante.