Dípteros

Villa Costales, Sidoro

L’espantosu asesinatu múltiple d’una familia d’entomólogos alemanes que se movíen per Asturies na so caravana ye’l nuevu casu qu’ocupa a Corripio, teniente de la Guardia Civil en destacamentu d’una villa centruasturiana. Yá lu conocíemos de Pielgos de llercia (2021), presenta’l perfil clásicu de la novela negra contemporánea: de vuelta de too, yá prósimu a la xubilación y que tarrez l’entemecimientu de los de la Científica nel so mou de trabayar; siempre arrodiáu d’un piñu de subordinaos más o menos amañosos. La maestría nel manexu de la trama, les pingarates humorístiques, que nunca falten nin sobren, y la riqueza de les descripciones, tanto de la naturaleza como de los vezos de la sociedá onde trescurre, faen desta novela otra prestosísima vuelta de tuerca na obra del autor polesu.