Flashback

yo fui ún de los nuestros (Un sicodrama con pingarates musicales)

Díaz, Adolfo Camilo

I Premiu "Pachín de Melás" de Testos Teatrales

Un espaciu (la cuenca minera), un tiempu (el presente), y un sindicalista presuntamente corruptu (Don…) qu’un día espierta nel hospital y, al poco, ye’l protagonista d’un late show, Flashback, onde lu van entrevistar, son los elementos que formen la premisa d’esta obra. Don, confusu, yá nun sabe qué ye verdá o mentira, realidá o fantasía… ¿Qué ta pasando con él? ¿Por qué nun lu reconocen como prócer de la minería? ¿Por qué encoplen cantares italianos que darréu olviden? ¿Por qué nun entienden qu’él fizo evolucionar a la especie humana? ¿Por qué esa médica, o esa entrevistadora, lu tán torturando pa facelu confesar lo innecesario? ¿Quién son elles? ¿Quién ye Don? ¿Quién yes tu?
Flashback podía ser un llibru d’autoayuda, una novela romántica o, inclusive, una colección d’haikus… Pero nun lo ye. Flashback namás ye una comedia que fala d’una traxedia.